ചെടി ഒരുവര്ഷം കൊണ്ട് പടര്ന്ന് വളര്ന്നെങ്കിലും കാത്തിരുന്നപ്പോലെ ഗരുഡ ശലഭം എത്തിയില്ല .. എന്നാല് ധാരാളം ചുവപ്പുറോസുകള് മുട്ടയിട്ട് വിരിഞ്ഞു പോയി .
രണ്ടാം വര്ഷം മഴ തുടങ്ങി അല്പ്പനാള്ക്കകം ഗരുഡക്കൊടി വല്ലാതെ വളര്ന്ന് പന്തലിച്ചു.. അപ്പോഴാണ് ഒരു ദിവസം ഗരുഡ ശലഭപ്പെണ്ണ് ഞങ്ങളുടെ ചെടി കണ്ടെത്തിയത് .. പിന്നെ പാറിനടന്ന് ധാരാളം മുട്ടകളിട്ടിട് പോയി .. പിന്നേയും കുറച്ചു ദിവസങ്ങള് മുട്ടയിടല് തുടര്ന്നു..
ഉണങ്ങിചുരുണ്ട ഒരു പഴുത്ത ഇലയെ അനുകരിയ്ക്കുന്നവയാണ് പ്യൂപ്പകള്, പെട്ടെന്നൊന്നും കണ്ണില് പെടില്ല . 27 ദിവസമായപ്പോള് നിറം മാറി കറുപ്പായി . പിറ്റേന്നാള് വിരിയുമെന്ന് ഉറപ്പായിരുന്നു .
ഗരുഡവള്ളി നട്ടപ്പോള് ഇത്രയേറെ ആനന്ദക്കാഴ്ചകള് പുറകേവരുമെന്ന് വിചാരിച്ചിരുന്നില്ല .. ഇത്രയും കൊണ്ട് തീര്ന്നില്ല .. രണ്ടു ദിവസം മുമ്പ് പതിവ് പ്രഭാത നിരീക്ഷണത്തിനിടയില് നാഗപ്പൂമരത്തിന്റെ തൈമേല് രണ്ടുപേര് . ആണും പെണ്ണുമാണ്. മഞ്ഞയില് കറുത്ത ത്രികോണപ്പൊട്ടുകളുള്ള പെണ്ണിന് വലുപ്പവും അല്പ്പം കൂടുതലാണ്.. ആണിന് തിളങ്ങുന്ന മഞ്ഞ ത്രികോണപ്പൊട്ടുകളാണ്.. ഞങ്ങള് നോക്കുമ്പോള് അവ ഇണ ചേരുകയായിരുന്നു .. മണിക്കൂറുകള് നീളുന്ന പ്രക്രിയയാണ്.. പക്ഷേ ഒരല്പം അതിശയിപ്പിക്കുന്ന രംഗമാണ് അവിടെ കണ്ടത് ..വിരിഞ്ഞിറങ്ങിയപടിയെന്നവണ്ണം പൊട്ടിയ പ്യൂപ്പക്കുടിനടുത്ത് ഇരിപ്പായിരുന്നു പെണ്ശലഭം .. ആണ്ശലഭം കൂടിനു മുകളിലാണ് ഇരുന്നത്.. പെണ്ണ് വിരിയുന്നതും കാത്തിരിക്കയായിരുന്നോ അവന് ?!!!.. അങ്ങനെയാണ്തോന്നുന്നത് ,പെണ്ണിന്റെ ചിറകും മറ്റും നോക്കുമ്പോള് ..
1 comments:
Wonderful and nostalgic
Post a Comment